ក្រុមហ៊ុនបង្កើតឡើងថ្មីថ្មោងទាំង ១៤ ដែលមានភាពច្នៃប្រឌិតខ្ពស់ខាងផ្នែកបច្ចេកវិទ្យាលើលោក

ក្រុមហ៊ុន Orbital Insight ផ្គត់ផ្គង់រូបភាព យ៉ាងច្បាស់ពីផ្កាយរណប Businessinsider

១) ក្រុមហ៊ុន Orbital Insight បង្កើតឡើងជាមួយដើមទុន ១០,៤៥ លានដុល្លារ ផ្គត់ផ្គង់រូបភាព យ៉ាងច្បាស់ពីផ្កាយរណបថតពីខាងលើពីការប្រែប្រួលនៅតំបន់ណាមួយយ៉ាងជាក់លាក់ ។

២) ក្រុមហ៊ុន Diamond Foundry បង្កើតឡើងជាមួយដើមទុន ១០០ លានដុល្លារ ផ្គត់ផ្គង់ សេវាកម្មបង្កើតគ្រាប់ពេជ្រដែលមានទំហំចាប់ពី ៩ ការ៉ាត់ ក្នុងពេល ២ សប្តាហ៍ប៉ុណ្ណោះ។

៣) ក្រុមហ៊ុន Fetch Robotics បង្កើតឡើងជាមួយដើមទុន ២៣ លានដុល្លារ ផ្គត់ផ្គង់ សេវាកម្ម ការផលិតមនុស្សយន្ត ដើម្បីជំនួសពលកម្មរបស់មនុស្ស។

៤) ក្រុមហ៊ុន Stemcentrx បង្កើតឡើងជាមួយដើមទុន ៥៥០,២៦ លានដុល្លារ ផ្គត់ផ្គង់ សេវាកម្មព្យាបាលកោសិកាមហារីក ដោយបណ្តុះកោសិកាថ្មីមកទាំងអស់វិញ។

៥) ក្រុមហ៊ុន InVenture បង្កើតឡើងជាមួយដើមទុន ១១,២ លានដុល្លារ ផ្គត់ផ្គង់ សេវាកម្ម កំណត់នូវទំហំហិរញ្ញវត្ថុរបស់គ្រួសារនិមួយៗ នៅមុនពេលម្ចាស់ហិរញ្ញវត្ថុចង់ទិញផ្ទះ ឬ ជួលផ្ទះជាដើម។

៦) ក្រុមហ៊ុន Hook បង្កើតឡើងជាមួយដើមទុន ២,៩ លានដុល្លារ ដែល អាចនឹងក្លាយជាក្រុមហ៊ុន Youtube ជំនាន់ក្រោយដែលបង្កើតឡើងសម្រាប់កម្មវិធី Snapchat។

៧) ក្រុមហ៊ុន Blippar បង្កើតឡើងជាមួយដើមទុន ៧២ លានដុល្លារ ផ្គត់ផ្គង់ សេវាកម្ម Search Engine ដូចGoogle ដោយក្រុមហ៊ុនសង្ឃឹមថាថ្ងៃមុខនឹងអាចរីកធំជាង Google ទៅទៀត។

៨) ក្រុមហ៊ុន Carbon3D បង្កើតឡើងជាមួយដើមទុន ១៤១ លានដុល្លារ ផ្គត់ផ្គង់ សេវាកម្ម ផលិតគ្រឿងបរិក្ខារវះកាត់ដោយស្វ័យប្រវត្តិ។

៩) ក្រុមហ៊ុន Sano បង្កើតឡើងជាមួយដើមទុន ១០,២៧ លានដុល្លារ ដោយក្រុមហ៊ុនចង់លុបបំបាត់ចោលការពិនិត្យរោគវិនិច្ឆ័យតាមរយៈការជួសឈាម ដើម្បីពិនិត្យជាតិស្ករក្នុងឈាម។

១០) ក្រុមហ៊ុន Hyperloop Technologies បង្កើតឡើងជាមួយដើមទុន ៣៤,៥០ លានដុល្លារ ផ្គត់ផ្គង់ សេវាកម្ម ដឹកជញ្ជូនអ្នកដំណើរតាមផ្លូវជាលក្ខណៈបំពង់។

១១) ក្រុមហ៊ុន Planetary Resources បង្កើតឡើងជាមួយដើមទុន ១៣ លានដុល្លារ បង្កើតឡើងក្នុងគោលដៅរុករករ៉ែ នៅក្រៅផែនដី។

១២) ក្រុមហ៊ុន Globality បង្កើតឡើងជាមួយដើមទុន ១០ លានដុល្លារ ក្នុងទិសដៅចង់ផ្លាស់ប្តូរពីរបៀបធ្វើអាជីវកម្មរបស់ក្រុមហ៊ុននៅជុំវិញពិភពលោក ដោយការរួមបញ្ចូលគ្នារវាងបច្ចេកវិទ្យា និង អ្នកជំនាញ។

១៣) ក្រុមហ៊ុន Nuritas បង្កើតឡើងជាមួយដើមទុន ៣,៤៦ លានដុល្លារ ក្នុងទិសដៅ បង្កើតបន្លែសិប្បនិម្មិត ដោយប្រើមូល៉េគុល ជីវវិទ្យា។

១៤) ក្រុមហ៊ុន Magic Leap បង្កើតឡើងជាមួយដើមទុន ៥៩៣ លានដុល្លារ ក្នុងទិសដៅបង្កើតបរិស្ថានសិប្បនិម្មិត ដែលមានជីវិតសត្វប្លែកៗ សម្រាប់បម្រើក្នុងវិស័យភាពយន្ត។

Author: ប្រែសម្រួល៖ ជី លីស៊ុន
Source: businessinsider.com

Credit: TheBNEWS