ចន្លោះពាក់កណ្តាលខែសីហា ខាងមុខនេះ ឆ្នាំជូត មមែ និង កុរ នឹងមានលាភសំណាងដូចគ្នា!

ក្តៅៗ!!! យោងតាមគេហទំព័រ Feng Shui China ដែលទើបតែចេញផ្សាយ មុននេះ បន្តិច បានប្រាប់ឲ្យដឹងថា នៅចន្លោះ ពាក់កណ្តាលខែសីហា ខាងមុខនេះ នឹង មានរឿងល្អ មួយចំនួន កើតឡើង លើឆ្នាំ ៣ ក្នុង អត្ថន័យ នៃភាពស្រស់ត្រកាលដូចគ្នា និង លាភសំណាងសំណាង ដូចគ្នា ។ ទន្ទឹមនឹងនេះ ឆ្នាំទាំង ៣ នោះ នឹង ទទួលបាននូវ ភាពសុខុដុមរម្យនា ក្នុងក្រុមគ្រួសារ សាច់ញាតិ ដែលជាហេតុធ្វើអោយ គេ មានកិត្តិនាមល្អ ក្នុងតំបន់ដែលគេកំពុង តែរស់នៅ អាស្រ័យផល ឬក៏ កន្លែងប្រកបរបរ រកស៊ីរបស់គេ ផងដែរ ។

ឆ្នាំទាំង ៣ នោះ មានឆ្នាំ ជូត មមែ និង កុរ សូមតាមដានដូចខាងក្រោម៖

១. ឆ្នាំជូត៖

ជាទូទៅ៖ សម្រាប់អ្នកដែលកើតឆ្នាំជូត បើលោកអ្នកចង់ធ្វើការផ្លាស់ប្តូរអ្វី តែងផ្តល់ផលល្អ និងផ្លែផ្កាឆ្លើយតបមកវិញគាប់ប្រសើរផងដែរ ហើយ រាល់ការងាររកទទួលទាន មានលាភចូល លុយកាក់ហូរ ចូលច្រើន អាចនឹងមានអ្នកនាំប្រាក់មកអោយដល់មុខហាងផងដែរ។ ចំណែកការធ្វើដំណើរទៅណាមកណា គឺមេឃស្រលះល្អណាស់ សម្រាប់អ្នកចង់ចេញដើរកម្សាន្ត។ រីឯបញ្ហាស្នេហាប្រុសស្រីមានភាពស្រស់ស្រាយនិងផ្អែមល្ហែមប្រពៃណាស់។

កត្តាល្អខ្លាំង៖ ទី១ មានរឿងល្អៗកើតឡើងផ្ទួនៗច្រើន និង ទី២ មានការងារពេញចិត្ត ហើយផ្តល់ចំណូលច្រើនចូលមកដល់ ។

២. ឆ្នាំមមែ៖

ជាទូទៅ៖ សម្រាប់អ្នកដែលកើតឆ្នាំមមែ រាល់ការងាររកទទួលទាន លុយកាក់ ហូរចូលដូចទឹក បាក់ទំនប់ គួរណាប្រញ៉ាប់រូតរះ ប្រមូលកើបដាក់។ ចំណែកការធ្វើដំណើរទៅណាមកណា ពុំជាមានបញ្ហាអ្វីនោះទេ។ បញ្ហាសេចក្ដីស្នេហាកំលោះ ក្រមុំ បើលោកអ្នកចង់រៀបចំផ្សំផ្គុំគ្រួសារ ជាពេលវេលាល្អប្រពៃបំផុត។

កត្តាល្អខ្លាំង៖ ទី១ មានញាតិមិត្តនាំដំណឹងល្អមកអោយច្រើន និង ទី២ គូស្នេហ៍នាំរឿងល្អ ដល់អ្នកក៏ច្រើន ។

៣. ឆ្នាំកុរ៖

ជាទូទៅ៖ សម្រាប់អ្នកដែលកើតឆ្នាំកុរ រាល់ការងាររកទទួលទានរបស់អស់លោកអ្នក មានលាភចូលជាលំដាប់ មុខដំណែងក៏ឡើង។ ចំណែកការធ្វើដំណើរទៅណាមកណាគឺ ជួបតែសុខ និងសប្បាយ។ រីឯបញ្ហាសេចក្ដីស្នេហាកំលោះ ក្រមុំមានភាពស្រស់ស្រាយនិងមាន ការចេះអត់ឱនឱ្យគ្នាល្អប្រពៃ។

កត្តាល្អខ្លាំង៖ ទី១ នឹងមានប្រាក់កាស់ច្រើន និង ទី២ គឺមានមនុស្សជួយជ្រុំជ្រែងការងារច្រើន ។